Hebrew
בראשית ברא אלהים את השמים ואת הארץ
Bereshitבראשית
Read continuously through the book. Further passages load as you scroll.
תורה
פרק 1
Hebrew
והארץ היתה תהו ובהו וחשך על פני תהום ורוח אלהים מרחפת על פני המים
Hebrew
ויאמר אלהים יהי אור ויהי אור
Hebrew
וירא אלהים את האור כי טוב ויבדל אלהים בין האור ובין החשך
Hebrew
ויקרא אלהים לאור יום ולחשך קרא לילה ויהי ערב ויהי בקר יום אחד
Hebrew
ויאמר אלהים יהי רקיע בתוך המים ויהי מבדיל בין מים למים
Hebrew
ויעש אלהים את הרקיע ויבדל בין המים אשר מתחת לרקיע ובין המים אשר מעל לרקיע ויהי כן
Hebrew
ויקרא אלהים לרקיע שמים ויהי ערב ויהי בקר יום שני
Hebrew
ויאמר אלהים יקוו המים מתחת השמים אל מקום אחד ותראה היבשה ויהי כן
Hebrew
ויקרא אלהים ליבשה ארץ ולמקוה המים קרא ימים וירא אלהים כי טוב
Hebrew
ויאמר אלהים תדשא הארץ דשא עשב מזריע זרע עץ פרי עשה פרי למינו אשר זרעו בו על הארץ ויהי כן
Hebrew
ותוצא הארץ דשא עשב מזריע זרע למינהו ועץ עשה פרי אשר זרעו בו למינהו וירא אלהים כי טוב
Hebrew
ויהי ערב ויהי בקר יום שלישי
Hebrew
ויאמר אלהים יהי מארת ברקיע השמים להבדיל בין היום ובין הלילה והיו לאתת ולמועדים ולימים ושנים
Hebrew
והיו למאורת ברקיע השמים להאיר על הארץ ויהי כן
Text Source and Standard
Hebrew, without niqqud or cantillation, preserving the Source’s letters and wording.