עברית
בראשית ברא אלהים את השמים ואת הארץ
Bereshitבראשית
קראו ברצף לאורך הספר. קטעים נוספים נטענים תוך כדי גלילה.
תורה
פרק 1
עברית
והארץ היתה תהו ובהו וחשך על פני תהום ורוח אלהים מרחפת על פני המים
עברית
ויאמר אלהים יהי אור ויהי אור
עברית
וירא אלהים את האור כי טוב ויבדל אלהים בין האור ובין החשך
עברית
ויקרא אלהים לאור יום ולחשך קרא לילה ויהי ערב ויהי בקר יום אחד
עברית
ויאמר אלהים יהי רקיע בתוך המים ויהי מבדיל בין מים למים
עברית
ויעש אלהים את הרקיע ויבדל בין המים אשר מתחת לרקיע ובין המים אשר מעל לרקיע ויהי כן
עברית
ויקרא אלהים לרקיע שמים ויהי ערב ויהי בקר יום שני
עברית
ויאמר אלהים יקוו המים מתחת השמים אל מקום אחד ותראה היבשה ויהי כן
עברית
ויקרא אלהים ליבשה ארץ ולמקוה המים קרא ימים וירא אלהים כי טוב
עברית
ויאמר אלהים תדשא הארץ דשא עשב מזריע זרע עץ פרי עשה פרי למינו אשר זרעו בו על הארץ ויהי כן
עברית
ותוצא הארץ דשא עשב מזריע זרע למינהו ועץ עשה פרי אשר זרעו בו למינהו וירא אלהים כי טוב
עברית
ויהי ערב ויהי בקר יום שלישי
עברית
ויאמר אלהים יהי מארת ברקיע השמים להבדיל בין היום ובין הלילה והיו לאתת ולמועדים ולימים ושנים
עברית
והיו למאורת ברקיע השמים להאיר על הארץ ויהי כן
מקור הטקסט והתקן
Hebrew, without niqqud or cantillation, preserving the Source’s letters and wording.