העברעיש
בראשית ברא אלהים את השמים ואת הארץ
Bereshitבראשית
לייענט דאס בוך ברצף. נאך שטיקלעך ווערן געלאדן בשעת איר מעגילט.
תורה
פרק 1
העברעיש
והארץ היתה תהו ובהו וחשך על פני תהום ורוח אלהים מרחפת על פני המים
העברעיש
ויאמר אלהים יהי אור ויהי אור
העברעיש
וירא אלהים את האור כי טוב ויבדל אלהים בין האור ובין החשך
העברעיש
ויקרא אלהים לאור יום ולחשך קרא לילה ויהי ערב ויהי בקר יום אחד
העברעיש
ויאמר אלהים יהי רקיע בתוך המים ויהי מבדיל בין מים למים
העברעיש
ויעש אלהים את הרקיע ויבדל בין המים אשר מתחת לרקיע ובין המים אשר מעל לרקיע ויהי כן
העברעיש
ויקרא אלהים לרקיע שמים ויהי ערב ויהי בקר יום שני
העברעיש
ויאמר אלהים יקוו המים מתחת השמים אל מקום אחד ותראה היבשה ויהי כן
העברעיש
ויקרא אלהים ליבשה ארץ ולמקוה המים קרא ימים וירא אלהים כי טוב
העברעיש
ויאמר אלהים תדשא הארץ דשא עשב מזריע זרע עץ פרי עשה פרי למינו אשר זרעו בו על הארץ ויהי כן
העברעיש
ותוצא הארץ דשא עשב מזריע זרע למינהו ועץ עשה פרי אשר זרעו בו למינהו וירא אלהים כי טוב
העברעיש
ויהי ערב ויהי בקר יום שלישי
העברעיש
ויאמר אלהים יהי מארת ברקיע השמים להבדיל בין היום ובין הלילה והיו לאתת ולמועדים ולימים ושנים
העברעיש
והיו למאורת ברקיע השמים להאיר על הארץ ויהי כן
טעקסט־מקור און סטאנדארט
Hebrew, without niqqud or cantillation, preserving the Source’s letters and wording.