Hebrew
והמלך דוד זקן בא בימים ויכסהו בבגדים ולא יחם לו
Melakhim Iמלכים א
Read continuously through the book. Further passages load as you scroll.
נביאים
פרק 1
Hebrew
ויאמרו לו עבדיו יבקשו לאדני המלך נערה בתולה ועמדה לפני המלך ותהי לו סכנת ושכבה בחיקך וחם לאדני המלך
Hebrew
ויבקשו נערה יפה בכל גבול ישראל וימצאו את אבישג השונמית ויבאו אתה למלך
Hebrew
והנערה יפה עד מאד ותהי למלך סכנת ותשרתהו והמלך לא ידעה
Hebrew
ואדניה בן חגית מתנשא לאמר אני אמלך ויעש לו רכב ופרשים וחמשים איש רצים לפניו
Hebrew
ולא עצבו אביו מימיו לאמר מדוע ככה עשית וגם הוא טוב תאר מאד ואתו ילדה אחרי אבשלום
Hebrew
ויהיו דבריו עם יואב בן צרויה ועם אביתר הכהן ויעזרו אחרי אדניה
Hebrew
וצדוק הכהן ובניהו בן יהוידע ונתן הנביא ושמעי ורעי והגבורים אשר לדוד לא היו עם אדניהו
Hebrew
ויזבח אדניהו צאן ובקר ומריא עם אבן הזחלת אשר אצל עין רגל ויקרא את כל אחיו בני המלך ולכל אנשי יהודה עבדי המלך
Hebrew
ואת נתן הנביא ובניהו ואת הגבורים ואת שלמה אחיו לא קרא
Hebrew
ויאמר נתן אל בת שבע אם שלמה לאמר הלוא שמעת כי מלך אדניהו בן חגית ואדנינו דוד לא ידע
Hebrew
ועתה לכי איעצך נא עצה ומלטי את נפשך ואת נפש בנך שלמה
Hebrew
לכי ובאי אל המלך דוד ואמרת אליו הלא אתה אדני המלך נשבעת לאמתך לאמר כי שלמה בנך ימלך אחרי והוא ישב על כסאי ומדוע מלך אדניהו
Hebrew
הנה עודך מדברת שם עם המלך ואני אבוא אחריך ומלאתי את דבריך
Hebrew
ותבא בת שבע אל המלך החדרה והמלך זקן מאד ואבישג השונמית משרת את המלך
Text Source and Standard
Hebrew, without niqqud or cantillation, preserving the source’s letters and wording.