עברית
והמלך דוד זקן בא בימים ויכסהו בבגדים ולא יחם לו
Melakhim Iמלכים א
קראו ברצף לאורך הספר. קטעים נוספים נטענים תוך כדי גלילה.
נביאים
פרק 1
עברית
ויאמרו לו עבדיו יבקשו לאדני המלך נערה בתולה ועמדה לפני המלך ותהי לו סכנת ושכבה בחיקך וחם לאדני המלך
עברית
ויבקשו נערה יפה בכל גבול ישראל וימצאו את אבישג השונמית ויבאו אתה למלך
עברית
והנערה יפה עד מאד ותהי למלך סכנת ותשרתהו והמלך לא ידעה
עברית
ואדניה בן חגית מתנשא לאמר אני אמלך ויעש לו רכב ופרשים וחמשים איש רצים לפניו
עברית
ולא עצבו אביו מימיו לאמר מדוע ככה עשית וגם הוא טוב תאר מאד ואתו ילדה אחרי אבשלום
עברית
ויהיו דבריו עם יואב בן צרויה ועם אביתר הכהן ויעזרו אחרי אדניה
עברית
וצדוק הכהן ובניהו בן יהוידע ונתן הנביא ושמעי ורעי והגבורים אשר לדוד לא היו עם אדניהו
עברית
ויזבח אדניהו צאן ובקר ומריא עם אבן הזחלת אשר אצל עין רגל ויקרא את כל אחיו בני המלך ולכל אנשי יהודה עבדי המלך
עברית
ואת נתן הנביא ובניהו ואת הגבורים ואת שלמה אחיו לא קרא
עברית
ויאמר נתן אל בת שבע אם שלמה לאמר הלוא שמעת כי מלך אדניהו בן חגית ואדנינו דוד לא ידע
עברית
ועתה לכי איעצך נא עצה ומלטי את נפשך ואת נפש בנך שלמה
עברית
לכי ובאי אל המלך דוד ואמרת אליו הלא אתה אדני המלך נשבעת לאמתך לאמר כי שלמה בנך ימלך אחרי והוא ישב על כסאי ומדוע מלך אדניהו
עברית
הנה עודך מדברת שם עם המלך ואני אבוא אחריך ומלאתי את דבריך
עברית
ותבא בת שבע אל המלך החדרה והמלך זקן מאד ואבישג השונמית משרת את המלך
מקור הטקסט והתקן
Hebrew, without niqqud or cantillation, preserving the source’s letters and wording.