Hebrew
דברי עמוס אשר היה בנקדים מתקוע אשר חזה על ישראל בימי עזיה מלך יהודה ובימי ירבעם בן יואש מלך ישראל שנתים לפני הרעש
Amosעמוס
Read continuously through the book. Further passages load as you scroll.
נביאים
פרק 1
Hebrew
ויאמר יהוה מציון ישאג ומירושלם יתן קולו ואבלו נאות הרעים ויבש ראש הכרמל
Hebrew
כה אמר יהוה על שלשה פשעי דמשק ועל ארבעה לא אשיבנו על דושם בחרצות הברזל את הגלעד
Hebrew
ושלחתי אש בבית חזאל ואכלה ארמנות בן הדד
Hebrew
ושברתי בריח דמשק והכרתי יושב מבקעת און ותומך שבט מבית עדן וגלו עם ארם קירה אמר יהוה
Hebrew
כה אמר יהוה על שלשה פשעי עזה ועל ארבעה לא אשיבנו על הגלותם גלות שלמה להסגיר לאדום
Hebrew
ושלחתי אש בחומת עזה ואכלה ארמנתיה
Hebrew
והכרתי יושב מאשדוד ותומך שבט מאשקלון והשיבותי ידי על עקרון ואבדו שארית פלשתים אמר אדני יהוה
Hebrew
כה אמר יהוה על שלשה פשעי צר ועל ארבעה לא אשיבנו על הסגירם גלות שלמה לאדום ולא זכרו ברית אחים
Hebrew
ושלחתי אש בחומת צר ואכלה ארמנתיה
Hebrew
כה אמר יהוה על שלשה פשעי אדום ועל ארבעה לא אשיבנו על רדפו בחרב אחיו ושחת רחמיו ויטרף לעד אפו ועברתו שמרה נצח
Hebrew
ושלחתי אש בתימן ואכלה ארמנות בצרה
Hebrew
כה אמר יהוה על שלשה פשעי בני עמון ועל ארבעה לא אשיבנו על בקעם הרות הגלעד למען הרחיב את גבולם
Hebrew
והצתי אש בחומת רבה ואכלה ארמנותיה בתרועה ביום מלחמה בסער ביום סופה
Hebrew
והלך מלכם בגולה הוא ושריו יחדו אמר יהוה
Text Source and Standard
Hebrew, without niqqud or cantillation, preserving the source’s letters and wording.
Hebrew imported from Sefaria: Tanach with Text Only; source edition http://www.tanach.us/Tanach.xml; Public Domain. 9 Perakim and 146 Pesukim. No niqqud or cantillation. Source Ketiv/Qere square-bracket notation retained. Imported 9 October 2026; source locked and publicly readable; HS translations are approved separately.