Hebrew
חזון עבדיה כה אמר אדני יהוה לאדום שמועה שמענו מאת יהוה וציר בגוים שלח קומו ונקומה עליה למלחמה
Ovadyahעובדיה
Read continuously through the book. Further passages load as you scroll.
נביאים
פרק 1
Hebrew
הנה קטן נתתיך בגוים בזוי אתה מאד
Hebrew
זדון לבך השיאך שכני בחגוי סלע מרום שבתו אמר בלבו מי יורדני ארץ
Hebrew
אם תגביה כנשר ואם בין כוכבים שים קנך משם אורידך נאם יהוה
Hebrew
אם גנבים באו לך אם שודדי לילה איך נדמיתה הלוא יגנבו דים אם בצרים באו לך הלוא ישאירו עללות
Hebrew
איך נחפשו עשו נבעו מצפניו
Hebrew
עד הגבול שלחוך כל אנשי בריתך השיאוך יכלו לך אנשי שלמך לחמך ישימו מזור תחתיך אין תבונה בו
Hebrew
הלוא ביום ההוא נאם יהוה והאבדתי חכמים מאדום ותבונה מהר עשו
Hebrew
וחתו גבוריך תימן למען יכרת איש מהר עשו מקטל
Hebrew
מחמס אחיך יעקב תכסך בושה ונכרת לעולם
Hebrew
ביום עמדך מנגד ביום שבות זרים חילו ונכרים באו שערו [שעריו] ועל ירושלם ידו גורל גם אתה כאחד מהם
Hebrew
ואל תרא ביום אחיך ביום נכרו ואל תשמח לבני יהודה ביום אבדם ואל תגדל פיך ביום צרה
Hebrew
אל תבוא בשער עמי ביום אידם אל תרא גם אתה ברעתו ביום אידו ואל תשלחנה בחילו ביום אידו
Hebrew
ואל תעמד על הפרק להכרית את פליטיו ואל תסגר שרידיו ביום צרה
Hebrew
כי קרוב יום יהוה על כל הגוים כאשר עשית יעשה לך גמלך ישוב בראשך
Text Source and Standard
Hebrew, without niqqud or cantillation, preserving the source’s letters and wording.
Hebrew imported from Sefaria: Tanach with Text Only; source edition http://www.tanach.us/Tanach.xml; Public Domain. 1 Perek and 21 Pesukim. No niqqud or cantillation. Source Ketiv/Qere square-bracket notation retained. Imported 9 October 2026; source locked and publicly readable; HS translations are approved separately.