עברית
חזון עבדיה כה אמר אדני יהוה לאדום שמועה שמענו מאת יהוה וציר בגוים שלח קומו ונקומה עליה למלחמה
Ovadyahעובדיה
קראו ברצף לאורך הספר. קטעים נוספים נטענים תוך כדי גלילה.
נביאים
פרק 1
עברית
הנה קטן נתתיך בגוים בזוי אתה מאד
עברית
זדון לבך השיאך שכני בחגוי סלע מרום שבתו אמר בלבו מי יורדני ארץ
עברית
אם תגביה כנשר ואם בין כוכבים שים קנך משם אורידך נאם יהוה
עברית
אם גנבים באו לך אם שודדי לילה איך נדמיתה הלוא יגנבו דים אם בצרים באו לך הלוא ישאירו עללות
עברית
איך נחפשו עשו נבעו מצפניו
עברית
עד הגבול שלחוך כל אנשי בריתך השיאוך יכלו לך אנשי שלמך לחמך ישימו מזור תחתיך אין תבונה בו
עברית
הלוא ביום ההוא נאם יהוה והאבדתי חכמים מאדום ותבונה מהר עשו
עברית
וחתו גבוריך תימן למען יכרת איש מהר עשו מקטל
עברית
מחמס אחיך יעקב תכסך בושה ונכרת לעולם
עברית
ביום עמדך מנגד ביום שבות זרים חילו ונכרים באו שערו [שעריו] ועל ירושלם ידו גורל גם אתה כאחד מהם
עברית
ואל תרא ביום אחיך ביום נכרו ואל תשמח לבני יהודה ביום אבדם ואל תגדל פיך ביום צרה
עברית
אל תבוא בשער עמי ביום אידם אל תרא גם אתה ברעתו ביום אידו ואל תשלחנה בחילו ביום אידו
עברית
ואל תעמד על הפרק להכרית את פליטיו ואל תסגר שרידיו ביום צרה
עברית
כי קרוב יום יהוה על כל הגוים כאשר עשית יעשה לך גמלך ישוב בראשך
מקור הטקסט והתקן
Hebrew, without niqqud or cantillation, preserving the source’s letters and wording.
Hebrew imported from Sefaria: Tanach with Text Only; source edition http://www.tanach.us/Tanach.xml; Public Domain. 1 Perek and 21 Pesukim. No niqqud or cantillation. Source Ketiv/Qere square-bracket notation retained. Imported 9 October 2026; source locked and publicly readable; HS translations are approved separately.