העברעיש
דבר יהוה אשר היה אל מיכה המרשתי בימי יותם אחז יחזקיה מלכי יהודה אשר חזה על שמרון וירושלם
Mikhahמיכה
לייענט דאס בוך ברצף. נאך שטיקלעך ווערן געלאדן בשעת איר מעגילט.
נביאים
פרק 1
העברעיש
שמעו עמים כלם הקשיבי ארץ ומלאה ויהי אדני יהוה בכם לעד אדני מהיכל קדשו
העברעיש
כי הנה יהוה יצא ממקומו וירד ודרך על במותי [במתי] ארץ
העברעיש
ונמסו ההרים תחתיו והעמקים יתבקעו כדונג מפני האש כמים מגרים במורד
העברעיש
בפשע יעקב כל זאת ובחטאות בית ישראל מי פשע יעקב הלוא שמרון ומי במות יהודה הלוא ירושלם
העברעיש
ושמתי שמרון לעי השדה למטעי כרם והגרתי לגי אבניה ויסדיה אגלה
העברעיש
וכל פסיליה יכתו וכל אתנניה ישרפו באש וכל עצביה אשים שממה כי מאתנן זונה קבצה ועד אתנן זונה ישובו
העברעיש
על זאת אספדה ואילילה אילכה שילל [שולל] וערום אעשה מספד כתנים ואבל כבנות יענה
העברעיש
כי אנושה מכותיה כי באה עד יהודה נגע עד שער עמי עד ירושלם
העברעיש
בגת אל תגידו בכו אל תבכו בבית לעפרה עפר התפלשתי [התפלשי]
העברעיש
עברי לכם יושבת שפיר עריה בשת לא יצאה יושבת צאנן מספד בית האצל יקח מכם עמדתו
העברעיש
כי חלה לטוב יושבת מרות כי ירד רע מאת יהוה לשער ירושלם
העברעיש
רתם המרכבה לרכש יושבת לכיש ראשית חטאת היא לבת ציון כי בך נמצאו פשעי ישראל
העברעיש
לכן תתני שלוחים על מורשת גת בתי אכזיב לאכזב למלכי ישראל
העברעיש
עד הירש אבי לך יושבת מרשה עד עדלם יבוא כבוד ישראל
טעקסט־מקור און סטאנדארט
Hebrew, without niqqud or cantillation, preserving the source’s letters and wording.
Hebrew imported from Sefaria: Tanach with Text Only; source edition http://www.tanach.us/Tanach.xml; Public Domain. 7 Perakim and 105 Pesukim. No niqqud or cantillation. Source Ketiv/Qere square-bracket notation retained. Imported 9 October 2026; source locked and publicly readable; HS translations are approved separately.