עברית
משא נינוה ספר חזון נחום האלקשי
Nachumנחום
קראו ברצף לאורך הספר. קטעים נוספים נטענים תוך כדי גלילה.
נביאים
פרק 1
עברית
אל קנוא ונקם יהוה נקם יהוה ובעל חמה נקם יהוה לצריו ונוטר הוא לאיביו
עברית
יהוה ארך אפים וגדול [וגדל ] כח ונקה לא ינקה יהוה בסופה ובשערה דרכו וענן אבק רגליו
עברית
גוער בים ויבשהו וכל הנהרות החריב אמלל בשן וכרמל ופרח לבנון אמלל
עברית
הרים רעשו ממנו והגבעות התמגגו ותשא הארץ מפניו ותבל וכל ישבי בה
עברית
לפני זעמו מי יעמוד ומי יקום בחרון אפו חמתו נתכה כאש והצרים נתצו ממנו
עברית
טוב יהוה למעוז ביום צרה וידע חסי בו
עברית
ובשטף עבר כלה יעשה מקומה ואיביו ירדף חשך
עברית
מה תחשבון אל יהוה כלה הוא עשה לא תקום פעמים צרה
עברית
כי עד סירים סבכים וכסבאם סבואים אכלו כקש יבש מלא
עברית
ממך יצא חשב על יהוה רעה יעץ בליעל
עברית
כה אמר יהוה אם שלמים וכן רבים וכן נגזו ועבר וענתך לא אענך עוד
עברית
ועתה אשבר מטהו מעליך ומוסרתיך אנתק
עברית
וצוה עליך יהוה לא יזרע משמך עוד מבית אלהיך אכרית פסל ומסכה אשים קברך כי קלות
פרק 2
עברית
הנה על ההרים רגלי מבשר משמיע שלום חגי יהודה חגיך שלמי נדריך כי לא יוסיף עוד לעבור [לעבר ] בך בליעל כלה נכרת
מקור הטקסט והתקן
Hebrew, without niqqud or cantillation, preserving the source’s letters and wording.
Hebrew imported from Sefaria: Tanach with Text Only; source edition http://www.tanach.us/Tanach.xml; Public Domain. 3 Perakim and 47 Pesukim. No niqqud or cantillation. Source Ketiv/Qere square-bracket notation retained. Imported 9 October 2026; source locked and publicly readable; HS translations are approved separately.