עברית
דבר יהוה אשר היה אל צפניה בן כושי בן גדליה בן אמריה בן חזקיה בימי יאשיהו בן אמון מלך יהודה
Tzefanyahצפניה
קראו ברצף לאורך הספר. קטעים נוספים נטענים תוך כדי גלילה.
נביאים
פרק 1
עברית
אסף אסף כל מעל פני האדמה נאם יהוה
עברית
אסף אדם ובהמה אסף עוף השמים ודגי הים והמכשלות את הרשעים והכרתי את האדם מעל פני האדמה נאם יהוה
עברית
ונטיתי ידי על יהודה ועל כל יושבי ירושלם והכרתי מן המקום הזה את שאר הבעל את שם הכמרים עם הכהנים
עברית
ואת המשתחוים על הגגות לצבא השמים ואת המשתחוים הנשבעים ליהוה והנשבעים במלכם
עברית
ואת הנסוגים מאחרי יהוה ואשר לא בקשו את יהוה ולא דרשהו
עברית
הס מפני אדני יהוה כי קרוב יום יהוה כי הכין יהוה זבח הקדיש קראיו
עברית
והיה ביום זבח יהוה ופקדתי על השרים ועל בני המלך ועל כל הלבשים מלבוש נכרי
עברית
ופקדתי על כל הדולג על המפתן ביום ההוא הממלאים בית אדניהם חמס ומרמה
עברית
והיה ביום ההוא נאם יהוה קול צעקה משער הדגים ויללה מן המשנה ושבר גדול מהגבעות
עברית
הילילו ישבי המכתש כי נדמה כל עם כנען נכרתו כל נטילי כסף
עברית
והיה בעת ההיא אחפש את ירושלם בנרות ופקדתי על האנשים הקפאים על שמריהם האמרים בלבבם לא ייטיב יהוה ולא ירע
עברית
והיה חילם למשסה ובתיהם לשממה ובנו בתים ולא ישבו ונטעו כרמים ולא ישתו את יינם
עברית
קרוב יום יהוה הגדול קרוב ומהר מאד קול יום יהוה מר צרח שם גבור
עברית
יום עברה היום ההוא יום צרה ומצוקה יום שאה ומשואה יום חשך ואפלה יום ענן וערפל
מקור הטקסט והתקן
Hebrew, without niqqud or cantillation, preserving the source’s letters and wording.
Hebrew imported from Sefaria: Tanach with Text Only; source edition http://www.tanach.us/Tanach.xml; Public Domain. 3 Perakim and 53 Pesukim. No niqqud or cantillation. Source Ketiv/Qere square-bracket notation retained. Imported 9 October 2026; source locked and publicly readable; HS translations are approved separately.