העברעיש
משא דבר יהוה אל ישראל ביד מלאכי
Malakhiמלאכי
לייענט דאס בוך ברצף. נאך שטיקלעך ווערן געלאדן בשעת איר מעגילט.
נביאים
פרק 1
העברעיש
אהבתי אתכם אמר יהוה ואמרתם במה אהבתנו הלוא אח עשו ליעקב נאם יהוה ואהב את יעקב
העברעיש
ואת עשו שנאתי ואשים את הריו שממה ואת נחלתו לתנות מדבר
העברעיש
כי תאמר אדום רששנו ונשוב ונבנה חרבות כה אמר יהוה צבאות המה יבנו ואני אהרוס וקראו להם גבול רשעה והעם אשר זעם יהוה עד עולם
העברעיש
ועיניכם תראינה ואתם תאמרו יגדל יהוה מעל לגבול ישראל
העברעיש
בן יכבד אב ועבד אדניו ואם אב אני איה כבודי ואם אדונים אני איה מוראי אמר יהוה צבאות לכם הכהנים בוזי שמי ואמרתם במה בזינו את שמך
העברעיש
מגישים על מזבחי לחם מגאל ואמרתם במה גאלנוך באמרכם שלחן יהוה נבזה הוא
העברעיש
וכי תגשון עור לזבח אין רע וכי תגישו פסח וחלה אין רע הקריבהו נא לפחתך הירצך או הישא פניך אמר יהוה צבאות
העברעיש
ועתה חלו נא פני אל ויחננו מידכם היתה זאת הישא מכם פנים אמר יהוה צבאות
העברעיש
מי גם בכם ויסגר דלתים ולא תאירו מזבחי חנם אין לי חפץ בכם אמר יהוה צבאות ומנחה לא ארצה מידכם
העברעיש
כי ממזרח שמש ועד מבואו גדול שמי בגוים ובכל מקום מקטר מגש לשמי ומנחה טהורה כי גדול שמי בגוים אמר יהוה צבאות
העברעיש
ואתם מחללים אותו באמרכם שלחן אדני מגאל הוא וניבו נבזה אכלו
העברעיש
ואמרתם הנה מתלאה והפחתם אותו אמר יהוה צבאות והבאתם גזול ואת הפסח ואת החולה והבאתם את המנחה הארצה אותה מידכם אמר יהוה
העברעיש
וארור נוכל ויש בעדרו זכר ונדר וזבח משחת לאדני כי מלך גדול אני אמר יהוה צבאות ושמי נורא בגוים
פרק 2
העברעיש
ועתה אליכם המצוה הזאת הכהנים
טעקסט־מקור און סטאנדארט
Hebrew, without niqqud or cantillation, preserving the source’s letters and wording.
Hebrew imported from Sefaria: Tanach with Text Only; source edition http://www.tanach.us/Tanach.xml; Public Domain. 3 Perakim and 55 Pesukim. No niqqud or cantillation. Source Ketiv/Qere square-bracket notation retained. Imported 9 October 2026; source locked and publicly readable; HS translations are approved separately.