Hebrew
איש היה בארץ עוץ איוב שמו והיה האיש ההוא תם וישר וירא אלהים וסר מרע
Iyovאיוב
Read continuously through the book. Further passages load as you scroll.
כתובים
פרק 1
Hebrew
ויולדו לו שבעה בנים ושלוש בנות
Hebrew
ויהי מקנהו שבעת אלפי צאן ושלשת אלפי גמלים וחמש מאות צמד בקר וחמש מאות אתונות ועבדה רבה מאד ויהי האיש ההוא גדול מכל בני קדם
Hebrew
והלכו בניו ועשו משתה בית איש יומו ושלחו וקראו לשלשת אחיתיהם [אחיותיהם] לאכל ולשתות עמהם
Hebrew
ויהי כי הקיפו ימי המשתה וישלח איוב ויקדשם והשכים בבקר והעלה עלות מספר כלם כי אמר איוב אולי חטאו בני וברכו אלהים בלבבם ככה יעשה איוב כל הימים
Hebrew
ויהי היום ויבאו בני האלהים להתיצב על יהוה ויבוא גם השטן בתוכם
Hebrew
ויאמר יהוה אל השטן מאין תבא ויען השטן את יהוה ויאמר משוט בארץ ומהתהלך בה
Hebrew
ויאמר יהוה אל השטן השמת לבך על עבדי איוב כי אין כמהו בארץ איש תם וישר ירא אלהים וסר מרע
Hebrew
ויען השטן את יהוה ויאמר החנם ירא איוב אלהים
Hebrew
הלא את [אתה] שכת בעדו ובעד ביתו ובעד כל אשר לו מסביב מעשה ידיו ברכת ומקנהו פרץ בארץ
Hebrew
ואולם שלח נא ידך וגע בכל אשר לו אם לא על פניך יברכך
Hebrew
ויאמר יהוה אל השטן הנה כל אשר לו בידך רק אליו אל תשלח ידך ויצא השטן מעם פני יהוה
Hebrew
ויהי היום ובניו ובנתיו אכלים ושתים יין בבית אחיהם הבכור
Hebrew
ומלאך בא אל איוב ויאמר הבקר היו חרשות והאתנות רעות על ידיהם
Hebrew
ותפל שבא ותקחם ואת הנערים הכו לפי חרב ואמלטה רק אני לבדי להגיד לך
Text Source and Standard
Hebrew, without niqqud or cantillation, preserving the source’s letters and wording.
Hebrew imported from Sefaria: Tanach with Text Only; source edition http://www.tanach.us/Tanach.xml; Public Domain. 42 Perakim and 1070 Pesukim. No niqqud or cantillation. Source Ketiv/Qere square-bracket notation retained. Imported 9 October 2026; source locked and publicly readable; HS translations are approved separately.