עברית
איש היה בארץ עוץ איוב שמו והיה האיש ההוא תם וישר וירא אלהים וסר מרע
Iyovאיוב
קראו ברצף לאורך הספר. קטעים נוספים נטענים תוך כדי גלילה.
כתובים
פרק 1
עברית
ויולדו לו שבעה בנים ושלוש בנות
עברית
ויהי מקנהו שבעת אלפי צאן ושלשת אלפי גמלים וחמש מאות צמד בקר וחמש מאות אתונות ועבדה רבה מאד ויהי האיש ההוא גדול מכל בני קדם
עברית
והלכו בניו ועשו משתה בית איש יומו ושלחו וקראו לשלשת אחיתיהם [אחיותיהם] לאכל ולשתות עמהם
עברית
ויהי כי הקיפו ימי המשתה וישלח איוב ויקדשם והשכים בבקר והעלה עלות מספר כלם כי אמר איוב אולי חטאו בני וברכו אלהים בלבבם ככה יעשה איוב כל הימים
עברית
ויהי היום ויבאו בני האלהים להתיצב על יהוה ויבוא גם השטן בתוכם
עברית
ויאמר יהוה אל השטן מאין תבא ויען השטן את יהוה ויאמר משוט בארץ ומהתהלך בה
עברית
ויאמר יהוה אל השטן השמת לבך על עבדי איוב כי אין כמהו בארץ איש תם וישר ירא אלהים וסר מרע
עברית
ויען השטן את יהוה ויאמר החנם ירא איוב אלהים
עברית
הלא את [אתה] שכת בעדו ובעד ביתו ובעד כל אשר לו מסביב מעשה ידיו ברכת ומקנהו פרץ בארץ
עברית
ואולם שלח נא ידך וגע בכל אשר לו אם לא על פניך יברכך
עברית
ויאמר יהוה אל השטן הנה כל אשר לו בידך רק אליו אל תשלח ידך ויצא השטן מעם פני יהוה
עברית
ויהי היום ובניו ובנתיו אכלים ושתים יין בבית אחיהם הבכור
עברית
ומלאך בא אל איוב ויאמר הבקר היו חרשות והאתנות רעות על ידיהם
עברית
ותפל שבא ותקחם ואת הנערים הכו לפי חרב ואמלטה רק אני לבדי להגיד לך
מקור הטקסט והתקן
Hebrew, without niqqud or cantillation, preserving the source’s letters and wording.
Hebrew imported from Sefaria: Tanach with Text Only; source edition http://www.tanach.us/Tanach.xml; Public Domain. 42 Perakim and 1070 Pesukim. No niqqud or cantillation. Source Ketiv/Qere square-bracket notation retained. Imported 9 October 2026; source locked and publicly readable; HS translations are approved separately.