Hebrew
ויהי בימי שפט השפטים ויהי רעב בארץ וילך איש מבית לחם יהודה לגור בשדי מואב הוא ואשתו ושני בניו
Rutרות
Read continuously through the book. Further passages load as you scroll.
כתובים
פרק 1
Hebrew
ושם האיש אלימלך ושם אשתו נעמי ושם שני בניו מחלון וכליון אפרתים מבית לחם יהודה ויבאו שדי מואב ויהיו שם
Hebrew
וימת אלימלך איש נעמי ותשאר היא ושני בניה
Hebrew
וישאו להם נשים מאביות שם האחת ערפה ושם השנית רות וישבו שם כעשר שנים
Hebrew
וימותו גם שניהם מחלון וכליון ותשאר האשה משני ילדיה ומאישה
Hebrew
ותקם היא וכלתיה ותשב משדי מואב כי שמעה בשדה מואב כי פקד יהוה את עמו לתת להם לחם
Hebrew
ותצא מן המקום אשר היתה שמה ושתי כלתיה עמה ותלכנה בדרך לשוב אל ארץ יהודה
Hebrew
ותאמר נעמי לשתי כלתיה לכנה שבנה אשה לבית אמה יעשה [יעש] יהוה עמכם חסד כאשר עשיתם עם המתים ועמדי
Hebrew
יתן יהוה לכם ומצאן מנוחה אשה בית אישה ותשק להן ותשאנה קולן ותבכינה
Hebrew
ותאמרנה לה כי אתך נשוב לעמך
Hebrew
ותאמר נעמי שבנה בנתי למה תלכנה עמי העוד לי בנים במעי והיו לכם לאנשים
Hebrew
שבנה בנתי לכן כי זקנתי מהיות לאיש כי אמרתי יש לי תקוה גם הייתי הלילה לאיש וגם ילדתי בנים
Hebrew
הלהן תשברנה עד אשר יגדלו הלהן תעגנה לבלתי היות לאיש אל בנתי כי מר לי מאד מכם כי יצאה בי יד יהוה
Hebrew
ותשנה קולן ותבכינה עוד ותשק ערפה לחמותה ורות דבקה בה
Hebrew
ותאמר הנה שבה יבמתך אל עמה ואל אלהיה שובי אחרי יבמתך
Text Source and Standard
Hebrew, without niqqud or cantillation, preserving the source’s letters and wording.
Hebrew imported from Sefaria: Tanach with Text Only; source edition http://www.tanach.us/Tanach.xml; Public Domain. 4 Perakim and 85 Pesukim. No niqqud or cantillation. Source Ketiv/Qere square-bracket notation retained. Imported 9 October 2026; source locked and publicly readable; HS translations are approved separately.