עברית
ויהי בימי שפט השפטים ויהי רעב בארץ וילך איש מבית לחם יהודה לגור בשדי מואב הוא ואשתו ושני בניו
Rutרות
קראו ברצף לאורך הספר. קטעים נוספים נטענים תוך כדי גלילה.
כתובים
פרק 1
עברית
ושם האיש אלימלך ושם אשתו נעמי ושם שני בניו מחלון וכליון אפרתים מבית לחם יהודה ויבאו שדי מואב ויהיו שם
עברית
וימת אלימלך איש נעמי ותשאר היא ושני בניה
עברית
וישאו להם נשים מאביות שם האחת ערפה ושם השנית רות וישבו שם כעשר שנים
עברית
וימותו גם שניהם מחלון וכליון ותשאר האשה משני ילדיה ומאישה
עברית
ותקם היא וכלתיה ותשב משדי מואב כי שמעה בשדה מואב כי פקד יהוה את עמו לתת להם לחם
עברית
ותצא מן המקום אשר היתה שמה ושתי כלתיה עמה ותלכנה בדרך לשוב אל ארץ יהודה
עברית
ותאמר נעמי לשתי כלתיה לכנה שבנה אשה לבית אמה יעשה [יעש] יהוה עמכם חסד כאשר עשיתם עם המתים ועמדי
עברית
יתן יהוה לכם ומצאן מנוחה אשה בית אישה ותשק להן ותשאנה קולן ותבכינה
עברית
ותאמרנה לה כי אתך נשוב לעמך
עברית
ותאמר נעמי שבנה בנתי למה תלכנה עמי העוד לי בנים במעי והיו לכם לאנשים
עברית
שבנה בנתי לכן כי זקנתי מהיות לאיש כי אמרתי יש לי תקוה גם הייתי הלילה לאיש וגם ילדתי בנים
עברית
הלהן תשברנה עד אשר יגדלו הלהן תעגנה לבלתי היות לאיש אל בנתי כי מר לי מאד מכם כי יצאה בי יד יהוה
עברית
ותשנה קולן ותבכינה עוד ותשק ערפה לחמותה ורות דבקה בה
עברית
ותאמר הנה שבה יבמתך אל עמה ואל אלהיה שובי אחרי יבמתך
מקור הטקסט והתקן
Hebrew, without niqqud or cantillation, preserving the source’s letters and wording.
Hebrew imported from Sefaria: Tanach with Text Only; source edition http://www.tanach.us/Tanach.xml; Public Domain. 4 Perakim and 85 Pesukim. No niqqud or cantillation. Source Ketiv/Qere square-bracket notation retained. Imported 9 October 2026; source locked and publicly readable; HS translations are approved separately.