עברית
אלה הדברים אשר דבר משה אל כל ישראל בעבר הירדן במדבר בערבה מול סוף בין פארן ובין תפל ולבן וחצרת ודי זהב
Devarimדברים
קראו ברצף לאורך הספר. קטעים נוספים נטענים תוך כדי גלילה.
תורה
פרק 1
עברית
אחד עשר יום מחרב דרך הר שעיר עד קדש ברנע
עברית
ויהי בארבעים שנה בעשתי עשר חדש באחד לחדש דבר משה אל בני ישראל ככל אשר צוה יהוה אתו אלהם
עברית
אחרי הכתו את סיחן מלך האמרי אשר יושב בחשבון ואת עוג מלך הבשן אשר יושב בעשתרת באדרעי
עברית
בעבר הירדן בארץ מואב הואיל משה באר את התורה הזאת לאמר
עברית
יהוה אלהינו דבר אלינו בחרב לאמר רב לכם שבת בהר הזה
עברית
פנו וסעו לכם ובאו הר האמרי ואל כל שכניו בערבה בהר ובשפלה ובנגב ובחוף הים ארץ הכנעני והלבנון עד הנהר הגדל נהר פרת
עברית
ראה נתתי לפניכם את הארץ באו ורשו את הארץ אשר נשבע יהוה לאבתיכם לאברהם ליצחק וליעקב לתת להם ולזרעם אחריהם
עברית
ואמר אלכם בעת ההוא לאמר לא אוכל לבדי שאת אתכם
עברית
יהוה אלהיכם הרבה אתכם והנכם היום ככוכבי השמים לרב
עברית
יהוה אלהי אבותכם יסף עליכם ככם אלף פעמים ויברך אתכם כאשר דבר לכם
עברית
איכה אשא לבדי טרחכם ומשאכם וריבכם
עברית
הבו לכם אנשים חכמים ונבנים וידעים לשבטיכם ואשימם בראשיכם
עברית
ותענו אתי ותאמרו טוב הדבר אשר דברת לעשות
עברית
ואקח את ראשי שבטיכם אנשים חכמים וידעים ואתן אתם ראשים עליכם שרי אלפים ושרי מאות ושרי חמשים ושרי עשרת ושטרים לשבטיכם
מקור הטקסט והתקן
Hebrew, without niqqud or cantillation, preserving the source’s letters and wording.