העברעיש
אלה הדברים אשר דבר משה אל כל ישראל בעבר הירדן במדבר בערבה מול סוף בין פארן ובין תפל ולבן וחצרת ודי זהב
Devarimדברים
לייענט דאס בוך ברצף. נאך שטיקלעך ווערן געלאדן בשעת איר מעגילט.
תורה
פרק 1
העברעיש
אחד עשר יום מחרב דרך הר שעיר עד קדש ברנע
העברעיש
ויהי בארבעים שנה בעשתי עשר חדש באחד לחדש דבר משה אל בני ישראל ככל אשר צוה יהוה אתו אלהם
העברעיש
אחרי הכתו את סיחן מלך האמרי אשר יושב בחשבון ואת עוג מלך הבשן אשר יושב בעשתרת באדרעי
העברעיש
בעבר הירדן בארץ מואב הואיל משה באר את התורה הזאת לאמר
העברעיש
יהוה אלהינו דבר אלינו בחרב לאמר רב לכם שבת בהר הזה
העברעיש
פנו וסעו לכם ובאו הר האמרי ואל כל שכניו בערבה בהר ובשפלה ובנגב ובחוף הים ארץ הכנעני והלבנון עד הנהר הגדל נהר פרת
העברעיש
ראה נתתי לפניכם את הארץ באו ורשו את הארץ אשר נשבע יהוה לאבתיכם לאברהם ליצחק וליעקב לתת להם ולזרעם אחריהם
העברעיש
ואמר אלכם בעת ההוא לאמר לא אוכל לבדי שאת אתכם
העברעיש
יהוה אלהיכם הרבה אתכם והנכם היום ככוכבי השמים לרב
העברעיש
יהוה אלהי אבותכם יסף עליכם ככם אלף פעמים ויברך אתכם כאשר דבר לכם
העברעיש
איכה אשא לבדי טרחכם ומשאכם וריבכם
העברעיש
הבו לכם אנשים חכמים ונבנים וידעים לשבטיכם ואשימם בראשיכם
העברעיש
ותענו אתי ותאמרו טוב הדבר אשר דברת לעשות
העברעיש
ואקח את ראשי שבטיכם אנשים חכמים וידעים ואתן אתם ראשים עליכם שרי אלפים ושרי מאות ושרי חמשים ושרי עשרת ושטרים לשבטיכם
טעקסט־מקור און סטאנדארט
Hebrew, without niqqud or cantillation, preserving the source’s letters and wording.