Hebrew
ויהי אחרי מות יהושע וישאלו בני ישראל ביהוה לאמר מי יעלה לנו אל הכנעני בתחלה להלחם בו
Shofetimשופטים
Read continuously through the book. Further passages load as you scroll.
נביאים
פרק 1
Hebrew
ויאמר יהוה יהודה יעלה הנה נתתי את הארץ בידו
Hebrew
ויאמר יהודה לשמעון אחיו עלה אתי בגורלי ונלחמה בכנעני והלכתי גם אני אתך בגורלך וילך אתו שמעון
Hebrew
ויעל יהודה ויתן יהוה את הכנעני והפרזי בידם ויכום בבזק עשרת אלפים איש
Hebrew
וימצאו את אדני בזק בבזק וילחמו בו ויכו את הכנעני ואת הפרזי
Hebrew
וינס אדני בזק וירדפו אחריו ויאחזו אתו ויקצצו את בהנות ידיו ורגליו
Hebrew
ויאמר אדני בזק שבעים מלכים בהנות ידיהם ורגליהם מקצצים היו מלקטים תחת שלחני כאשר עשיתי כן שלם לי אלהים ויביאהו ירושלם וימת שם
Hebrew
וילחמו בני יהודה בירושלם וילכדו אותה ויכוה לפי חרב ואת העיר שלחו באש
Hebrew
ואחר ירדו בני יהודה להלחם בכנעני יושב ההר והנגב והשפלה
Hebrew
וילך יהודה אל הכנעני היושב בחברון ושם חברון לפנים קרית ארבע ויכו את ששי ואת אחימן ואת תלמי
Hebrew
וילך משם אל יושבי דביר ושם דביר לפנים קרית ספר
Hebrew
ויאמר כלב אשר יכה את קרית ספר ולכדה ונתתי לו את עכסה בתי לאשה
Hebrew
וילכדה עתניאל בן קנז אחי כלב הקטן ממנו ויתן לו את עכסה בתו לאשה
Hebrew
ויהי בבואה ותסיתהו לשאול מאת אביה השדה ותצנח מעל החמור ויאמר לה כלב מה לך
Hebrew
ותאמר לו הבה לי ברכה כי ארץ הנגב נתתני ונתתה לי גלת מים ויתן לה כלב את גלת עלית ואת גלת תחתית
Text Source and Standard
Hebrew, without niqqud or cantillation, preserving the source’s letters and wording.