עברית
ויהי אחרי מות יהושע וישאלו בני ישראל ביהוה לאמר מי יעלה לנו אל הכנעני בתחלה להלחם בו
Shofetimשופטים
קראו ברצף לאורך הספר. קטעים נוספים נטענים תוך כדי גלילה.
נביאים
פרק 1
עברית
ויאמר יהוה יהודה יעלה הנה נתתי את הארץ בידו
עברית
ויאמר יהודה לשמעון אחיו עלה אתי בגורלי ונלחמה בכנעני והלכתי גם אני אתך בגורלך וילך אתו שמעון
עברית
ויעל יהודה ויתן יהוה את הכנעני והפרזי בידם ויכום בבזק עשרת אלפים איש
עברית
וימצאו את אדני בזק בבזק וילחמו בו ויכו את הכנעני ואת הפרזי
עברית
וינס אדני בזק וירדפו אחריו ויאחזו אתו ויקצצו את בהנות ידיו ורגליו
עברית
ויאמר אדני בזק שבעים מלכים בהנות ידיהם ורגליהם מקצצים היו מלקטים תחת שלחני כאשר עשיתי כן שלם לי אלהים ויביאהו ירושלם וימת שם
עברית
וילחמו בני יהודה בירושלם וילכדו אותה ויכוה לפי חרב ואת העיר שלחו באש
עברית
ואחר ירדו בני יהודה להלחם בכנעני יושב ההר והנגב והשפלה
עברית
וילך יהודה אל הכנעני היושב בחברון ושם חברון לפנים קרית ארבע ויכו את ששי ואת אחימן ואת תלמי
עברית
וילך משם אל יושבי דביר ושם דביר לפנים קרית ספר
עברית
ויאמר כלב אשר יכה את קרית ספר ולכדה ונתתי לו את עכסה בתי לאשה
עברית
וילכדה עתניאל בן קנז אחי כלב הקטן ממנו ויתן לו את עכסה בתו לאשה
עברית
ויהי בבואה ותסיתהו לשאול מאת אביה השדה ותצנח מעל החמור ויאמר לה כלב מה לך
עברית
ותאמר לו הבה לי ברכה כי ארץ הנגב נתתני ונתתה לי גלת מים ויתן לה כלב את גלת עלית ואת גלת תחתית
מקור הטקסט והתקן
Hebrew, without niqqud or cantillation, preserving the source’s letters and wording.