העברעיש
ויהי אחרי מות יהושע וישאלו בני ישראל ביהוה לאמר מי יעלה לנו אל הכנעני בתחלה להלחם בו
Shofetimשופטים
לייענט דאס בוך ברצף. נאך שטיקלעך ווערן געלאדן בשעת איר מעגילט.
נביאים
פרק 1
העברעיש
ויאמר יהוה יהודה יעלה הנה נתתי את הארץ בידו
העברעיש
ויאמר יהודה לשמעון אחיו עלה אתי בגורלי ונלחמה בכנעני והלכתי גם אני אתך בגורלך וילך אתו שמעון
העברעיש
ויעל יהודה ויתן יהוה את הכנעני והפרזי בידם ויכום בבזק עשרת אלפים איש
העברעיש
וימצאו את אדני בזק בבזק וילחמו בו ויכו את הכנעני ואת הפרזי
העברעיש
וינס אדני בזק וירדפו אחריו ויאחזו אתו ויקצצו את בהנות ידיו ורגליו
העברעיש
ויאמר אדני בזק שבעים מלכים בהנות ידיהם ורגליהם מקצצים היו מלקטים תחת שלחני כאשר עשיתי כן שלם לי אלהים ויביאהו ירושלם וימת שם
העברעיש
וילחמו בני יהודה בירושלם וילכדו אותה ויכוה לפי חרב ואת העיר שלחו באש
העברעיש
ואחר ירדו בני יהודה להלחם בכנעני יושב ההר והנגב והשפלה
העברעיש
וילך יהודה אל הכנעני היושב בחברון ושם חברון לפנים קרית ארבע ויכו את ששי ואת אחימן ואת תלמי
העברעיש
וילך משם אל יושבי דביר ושם דביר לפנים קרית ספר
העברעיש
ויאמר כלב אשר יכה את קרית ספר ולכדה ונתתי לו את עכסה בתי לאשה
העברעיש
וילכדה עתניאל בן קנז אחי כלב הקטן ממנו ויתן לו את עכסה בתו לאשה
העברעיש
ויהי בבואה ותסיתהו לשאול מאת אביה השדה ותצנח מעל החמור ויאמר לה כלב מה לך
העברעיש
ותאמר לו הבה לי ברכה כי ארץ הנגב נתתני ונתתה לי גלת מים ויתן לה כלב את גלת עלית ואת גלת תחתית
טעקסט־מקור און סטאנדארט
Hebrew, without niqqud or cantillation, preserving the source’s letters and wording.