Hebrew
ויהי איש אחד מן הרמתים צופים מהר אפרים ושמו אלקנה בן ירחם בן אליהוא בן תחו בן צוף אפרתי
Shmuel Iשמואל א
Read continuously through the book. Further passages load as you scroll.
נביאים
פרק 1
Hebrew
ולו שתי נשים שם אחת חנה ושם השנית פננה ויהי לפננה ילדים ולחנה אין ילדים
Hebrew
ועלה האיש ההוא מעירו מימים ימימה להשתחות ולזבח ליהוה צבאות בשלה ושם שני בני עלי חפני ופנחס כהנים ליהוה
Hebrew
ויהי היום ויזבח אלקנה ונתן לפננה אשתו ולכל בניה ובנותיה מנות
Hebrew
ולחנה יתן מנה אחת אפים כי את חנה אהב ויהוה סגר רחמה
Hebrew
וכעסתה צרתה גם כעס בעבור הרעמה כי סגר יהוה בעד רחמה
Hebrew
וכן יעשה שנה בשנה מדי עלתה בבית יהוה כן תכעסנה ותבכה ולא תאכל
Hebrew
ויאמר לה אלקנה אישה חנה למה תבכי ולמה לא תאכלי ולמה ירע לבבך הלוא אנכי טוב לך מעשרה בנים
Hebrew
ותקם חנה אחרי אכלה בשלה ואחרי שתה ועלי הכהן ישב על הכסא על מזוזת היכל יהוה
Hebrew
והיא מרת נפש ותתפלל על יהוה ובכה תבכה
Hebrew
ותדר נדר ותאמר יהוה צבאות אם ראה תראה בעני אמתך וזכרתני ולא תשכח את אמתך ונתתה לאמתך זרע אנשים ונתתיו ליהוה כל ימי חייו ומורה לא יעלה על ראשו
Hebrew
והיה כי הרבתה להתפלל לפני יהוה ועלי שמר את פיה
Hebrew
וחנה היא מדברת על לבה רק שפתיה נעות וקולה לא ישמע ויחשבה עלי לשכרה
Hebrew
ויאמר אליה עלי עד מתי תשתכרין הסירי את יינך מעליך
Hebrew
ותען חנה ותאמר לא אדני אשה קשת רוח אנכי ויין ושכר לא שתיתי ואשפך את נפשי לפני יהוה
Text Source and Standard
Hebrew, without niqqud or cantillation, preserving the source’s letters and wording.