עברית
ויהי אחרי מות שאול ודוד שב מהכות את העמלק וישב דוד בצקלג ימים שנים
Shmuel IIשמואל ב
קראו ברצף לאורך הספר. קטעים נוספים נטענים תוך כדי גלילה.
נביאים
פרק 1
עברית
ויהי ביום השלישי והנה איש בא מן המחנה מעם שאול ובגדיו קרעים ואדמה על ראשו ויהי בבאו אל דוד ויפל ארצה וישתחו
עברית
ויאמר לו דוד אי מזה תבוא ויאמר אליו ממחנה ישראל נמלטתי
עברית
ויאמר אליו דוד מה היה הדבר הגד נא לי ויאמר אשר נס העם מן המלחמה וגם הרבה נפל מן העם וימתו וגם שאול ויהונתן בנו מתו
עברית
ויאמר דוד אל הנער המגיד לו איך ידעת כי מת שאול ויהונתן בנו
עברית
ויאמר הנער המגיד לו נקרא נקריתי בהר הגלבע והנה שאול נשען על חניתו והנה הרכב ובעלי הפרשים הדבקהו
עברית
ויפן אחריו ויראני ויקרא אלי ואמר הנני
עברית
ויאמר לי מי אתה ויאמר [ואמר] אליו עמלקי אנכי
עברית
ויאמר אלי עמד נא עלי ומתתני כי אחזני השבץ כי כל עוד נפשי בי
עברית
ואעמד עליו ואמתתהו כי ידעתי כי לא יחיה אחרי נפלו ואקח הנזר אשר על ראשו ואצעדה אשר על זרעו ואביאם אל אדני הנה
עברית
ויחזק דוד בבגדו [בבגדיו] ויקרעם וגם כל האנשים אשר אתו
עברית
ויספדו ויבכו ויצמו עד הערב על שאול ועל יהונתן בנו ועל עם יהוה ועל בית ישראל כי נפלו בחרב
עברית
ויאמר דוד אל הנער המגיד לו אי מזה אתה ויאמר בן איש גר עמלקי אנכי
עברית
ויאמר אליו דוד איך לא יראת לשלח ידך לשחת את משיח יהוה
עברית
ויקרא דוד לאחד מהנערים ויאמר גש פגע בו ויכהו וימת
מקור הטקסט והתקן
Hebrew, without niqqud or cantillation, preserving the source’s letters and wording.