העברעיש
ויהי אחרי מות שאול ודוד שב מהכות את העמלק וישב דוד בצקלג ימים שנים
Shmuel IIשמואל ב
לייענט דאס בוך ברצף. נאך שטיקלעך ווערן געלאדן בשעת איר מעגילט.
נביאים
פרק 1
העברעיש
ויהי ביום השלישי והנה איש בא מן המחנה מעם שאול ובגדיו קרעים ואדמה על ראשו ויהי בבאו אל דוד ויפל ארצה וישתחו
העברעיש
ויאמר לו דוד אי מזה תבוא ויאמר אליו ממחנה ישראל נמלטתי
העברעיש
ויאמר אליו דוד מה היה הדבר הגד נא לי ויאמר אשר נס העם מן המלחמה וגם הרבה נפל מן העם וימתו וגם שאול ויהונתן בנו מתו
העברעיש
ויאמר דוד אל הנער המגיד לו איך ידעת כי מת שאול ויהונתן בנו
העברעיש
ויאמר הנער המגיד לו נקרא נקריתי בהר הגלבע והנה שאול נשען על חניתו והנה הרכב ובעלי הפרשים הדבקהו
העברעיש
ויפן אחריו ויראני ויקרא אלי ואמר הנני
העברעיש
ויאמר לי מי אתה ויאמר [ואמר] אליו עמלקי אנכי
העברעיש
ויאמר אלי עמד נא עלי ומתתני כי אחזני השבץ כי כל עוד נפשי בי
העברעיש
ואעמד עליו ואמתתהו כי ידעתי כי לא יחיה אחרי נפלו ואקח הנזר אשר על ראשו ואצעדה אשר על זרעו ואביאם אל אדני הנה
העברעיש
ויחזק דוד בבגדו [בבגדיו] ויקרעם וגם כל האנשים אשר אתו
העברעיש
ויספדו ויבכו ויצמו עד הערב על שאול ועל יהונתן בנו ועל עם יהוה ועל בית ישראל כי נפלו בחרב
העברעיש
ויאמר דוד אל הנער המגיד לו אי מזה אתה ויאמר בן איש גר עמלקי אנכי
העברעיש
ויאמר אליו דוד איך לא יראת לשלח ידך לשחת את משיח יהוה
העברעיש
ויקרא דוד לאחד מהנערים ויאמר גש פגע בו ויכהו וימת
טעקסט־מקור און סטאנדארט
Hebrew, without niqqud or cantillation, preserving the source’s letters and wording.